किन ज्योती मगरकै पछि लागिरहेछन संगीतप्रेमी

किन ज्योती मगरकै पछि लागिरहेछन संगीतप्रेमी ?काठमाडौं । आजकल ज्योती मगरको नाम बिबादको पर्यायवाची जस्तै बनेको छ ।उत्तेजक पहिरनमा लोक भाका गाउने यी गायिकाले आजकल ताली र गाली बराबरीजस्तै खाएकी छिन् । दर्शकबाट मान मात्र हैन, अपमान पनि उत्तिकै सहेकी छिन् ।अपमान यस अर्थमा कि, उनले पछिल्लो एक बर्षको अबधिमा बिभिन्न स्टेज कार्यक्रममा पहिरनकै कारण तनाव बेहोर्नुपर्‍यो । भडकिलो पहिरन लगाएको भन्दै दर्शकले उनलाई स्टेजबाट निकाल्न चेतावनी दिए, कतिले कार्यक्रम नै बहिस्कार गरेर हिंडे ।तर, ज्योतीले गाली मात्र हैन, तालि पनि खाइरहेकी छिन् । त्यही तालीको उर्जाले होला उनका बस्त्र झन् पछि झन् छोटा बन्दैछन, उनको भडकिलो स्वभाव घट्दो हैन, बढ्दो छ ।उनका जति पनि गीत युट्युवमा अपलोड भएका छन, ती सवैमा दर्शकको उल्लेख्य उपस्थीति देखिन्छ ।